ცაზე ელავენ შავი ღრუბლები,
რომლებიც ჩემს გულს ისრად ხვდებიან,
როცა ბრაზისგან მოიღრუბლები
შავი თვალები შენ გიხდებიან...
ისე უეცრად გამოიდარებ
და სიყვარულის დაგკრავს ელფერი,
მინდა მუხლებზე დავიჩოქო და
მე შემოგფიცო შენ ყველაფერი.
ეს ყველაფერი სიყვარულია,
ჩემი გულია,ჩემი სულია,
და კიდევ კარგო იმას გეტყვი რომ,
ვისაც არ უყვარს დატანჯულია...
მინახავს კაცი რომელსაც თურმე
სიყვარულისგან დარჩა იარა,
მაგრამ ამ კაცმა მარტოობაში
ძალიან დიდი შვებით იარა.
ასეც ხდება და ისეც ხდებაო,
ზოგი რჩება და ზოგიც კვდებაო,
მაგრამ კვლავ ვამბობ ჩემო ძვირფასო
უსიყვარულოდ კაცი კვდებაო...